.: انت الزائر رقم :.

    زوجتي شريكة حياتي

    شاطر
    avatar
    zizou

    ذكر
    عدد الرسائل : 647
    نقاط : 36692
    تاريخ التسجيل : 07/12/2008

    s2 زوجتي شريكة حياتي

    مُساهمة من طرف zizou في 5/3/2010, 23:25



    زوجتي شريكة حياتي









    تمنيتك نتي وحبيتك غير نتي *** ومن غيرك انت والله ما عندي

    نتيا هي حبيبتي ونتيا زوجتي *** الي ونستيني بعدما كنت وحدي

    كنت تايه ونضيع في وقتي *** والريح الي يجي كان فيا يدي

    كنت نحوس شريكة لحياتي *** والي نشوفها نقول واقيل هي هاذي

    تم تم نحبها ونعاشرها بنيتي *** نمدلها قلبي ومن كل ما عندي

    نمدلها حبي حنانتي وحمايتي *** والحاجة الي فجيبي دايما فيدي

    وساعات نمد من فوق طاقتي *** غير ترضى هي ونكون أنا راضي

    واذا ما كانوش نلهيها بحكايتي *** نحكي على روحي ولا على والدي

    نحكي على يما نحكي على خاوتي *** نحكي على جدة ونحكي على جدي

    كي تخلاص لحكاية نقوللها عييتي *** من كثرة المشية هاني فيا شدي

    انايا زوالي وهاذي هي حالتي *** راكي عرفتيها لا بغيتي تقعدي

    وتعيشي معايا باش تكوني مرتي *** أو والله نا نلومك ايلا بغيتي تبعدي

    تروح وتخليني وتتحطم أمنيتي *** مرة تجي ملعندها ومرة ملعندي

    ونعشي كي العادة راجع لعادتي *** الي نشوفها نقول واقيل هي هاذي

    كرهت وتعبت ومليت من حالتي *** لوقتاش نقعد عايش غير وحدي

    زوّجت صحابي جيراني وخاوتي *** وزوجت الصغار عليا والي قدي

    وانا وقتاش ياربي تجي دالتي *** وقتاش نحط الخاتم في يدي

    وقتاش ياربي تتحقق امنيتي *** ونلبس البرنوس تاع بابا وجدي

    وقتاش تبانلي شريكة حياتي *** وقتاش يا ربي يالعالم بقصدي

    وقتاش نكون ملموم في بيتي *** في وسط أهلي وزوجتي وولادي

    تقربت لله ودعيتو في صلاتي *** باش يغفرلي الي عملتو فالماضي

    و يرزقني وحدة على حساب نيتي *** تكون راضية بيا و انا بيها راضي

    صبرت وستنيت حتى بنتي نتي *** مومنة ومربية وبسيطة على قدي

    سيحان الله جيتي على صيفتي *** تقول انا هو الي رسمتك بيدي

    الحاجة الاولى قصدت اميمتي *** رحت حكيتلها قاتلي ياسعدي

    نشالله هي الي تكون عروستي *** دير برك القلب واخدم يا وليدي

    ملتم بدات... تتبدل عقليتي *** وراني شافي كنت دورو ما عندي

    ربي سبحانو باركلي فخدمتي *** وباركلي فالرزق الي في يدي

    وليت نخمم وندير حساباتي *** نخدم ونصرف غير على قدي

    وزدت قسمّت ورتبت وقاتي *** ونحسب الساعة والدقيقة كي تعدي

    وليت مواظب حتى فصلاتي *** وبديت نحس بالراحة في جسدي

    ومنهار تزوجت لقيت راحتي *** أو وليت نتمتع حتى برقادي

    وحتى نتي معايا ضحيتي *** خليتي داركم وجيتي لعندي

    تقاسمتي معايا هنايا وفرحتي *** فراح وقراح هاذ الدنيا هاذي

    شفتي معايا حاجات وتحملتي *** ومهما الي صرالنا قلتيلي عادي

    نهار الي فرحت معايا فرحتي *** وكي بكيت مسحتي الدمعة من خدي

    وصبرتي معايا وطحتي ونضتي *** وفي كل الحالات يدك في يدي

    عليها حبيت نقولك ... انتي *** راكي من بعد والدتي او والدي

    انتيا حبيبتي وشريكة حياتي *** نتيا هي زوجتي ويمات ولادي.






      الوقت/التاريخ الآن هو 19/7/2018, 18:47