.: انت الزائر رقم :.

    مع القصة الرائعة " أم اليتامى " اقرأوها وتمتعوا ا ا

    شاطر
    avatar
    zizou

    ذكر
    عدد الرسائل : 647
    نقاط : 37582
    تاريخ التسجيل : 07/12/2008

    مع القصة الرائعة " أم اليتامى " اقرأوها وتمتعوا ا ا

    مُساهمة من طرف zizou في 14/1/2010, 23:45



    قصيدة أم ليتامى

    نكتبلك كلمة وروحي ياحمامة********* روحي عند الناس كامل اديهالهم

    حوسي مليح حومة بحومة************** وما ترجعيش حتى تصيبيهم

    لله روحي قبل ما تطيح الظلمة ***********بلاك مايلقاوش مكان يؤويهم

    ولا بلاك ماكلاوش لقمة ****************راهم راقدين والبرد عليهم

    روحي يا حمامة وعلّي فالسما*********** ولما تشوفيهم راكي تعرفيهم

    ماكالاه تسقسي حتى شكون هوما ******باينين وكل شي ظاهر في عينيهم

    تلقاي الدمعة فعيونهم مرسومة *******يمشوا فالطريق ويتبعوا في يماهم

    ولية محرومة وولادها يتامى ********خرجوهم مالدار وحقروهم اماليهم

    تلقاي يماهم باينة مهمومة ***********تبكي وتصبر في روحها او فيهم

    وتقول ياربي ولادي هادوما ***********مهما يصرالي مانسمحشي فيهم

    تلقايها ديما تحوس على خدمة*********** تقصد فالناس او تترجى فيهم

    وهوما يعاودولها غير نفس الكلمة***** ولادك هادوما وين رايحة تخليهم

    وساعات تلقايها ياحمامة متهومة***** يسالوها الناس... كيفاش جبتيهم؟

    تشيرلهم براسها اسالوهم ***********هوما كيما جاوبتهم سيدتنا مريم

    يتامى صغار وامهم مظلومة********** بكري حصراه كانوا بخير عليهم

    كانوا مستورين عايشين في نعمة******** كي كان باباهم عايش معاهم

    منهار الي مات ماتت الرحمة *********في قلوب الناس الي الله يهديهم

    ماكفاش انهم رجعوا يتامى ***********زادولهم هوما او كملوا عليهم

    حقروهم او كسروا عليهم الحرمة ******دخلوا وخرجوهم من دار باباهم

    باه يفرغوها ويتزوجوا هوما********** ونهار يموتوا يخلوها لولادهم

    لله يا حمامة علي فالسما ***************بالله روحي وحوسي غليهم

    قلبّي مليح حومة بحومة*************** وما ترجعيش حتى تصيبيهم

    لله يا حمامة قبل ما تطيح الظلمة********* بلاك مايلقاوش مكان ياويهم

    ولا بلاك ماكلاوش لقمة ***************راهم راقدين والبرد عليهم

    بالاك راهم يقولوا يايما *************الناس هادوما كامل وش بيهم

    يجوزوا بلا مايقولوا حتى كلمة او*** وعلاش ما عادوش يمدولنا دراهم

    وعلاش يما علاش حنا يتامى******** والدراري لخرين عندهم باباهم

    وعلاش الناس كامل ملمومة وحنا********** ماعندنا لا خال ولا عم

    وعلاش يا يما حنا ماشي كيما******** هاذو الي عندهم باباهم معاهم

    لباسهم جديد ولبستنا قديمة ويرموا********* حاجات وحنايا نلقطوهم

    وعلاش يا يما يرموا النعمة علاش******* ماشي خير لوكان يصدقوهم

    قوليلنا وعلاش ماعندناش كيما *******لكراطب الي راهم كامل رافدينهم

    ماعليش اصبري وماتبكيش يا يما ********هاذوا الي حقرونا ربي يغلبهم

    انت الي قلتيلنا في يوم القيامة************** ربي سبحانو للنار يديهم

    وانايا نكبر ونوعدك بكلمة **************بلي نقرى مليح يايما ونتعلم

    وكي نولي كبير نصيب خدمة************ ونعود نجيبلك بزاااااف دراهم

    يماهم التما ما تلقى حتى كلمة ***********من غير تعنقهم وتحلم معاهم

    وربي سبحانو يبعتلهم رحمة*********** مالسما تغشاهم في صدر يماهم

    يا حمامة هاذوا هوما ليتامى ************الناس الي ربي دايمن معاهم

    ليتامى يا حمامة ويماهم حرمة*********** من حرمات الله وهو مولاهم

    والي يقرب ليهم تلقايه ديما************* غير فالمشاكل حاصل معاهم

    حياتو محال ولا تفوت مسقمة **********ودراهم ليتامى ما يربحش بيهم

    ويوم القيامة يتنحشر عمى *************يقولو يا ربي عينيا وش بيهم

    يقولو اليوما تتنسى كيما *****************جاوك اياتنا اوكذبت بيهم

    ويكفي شرف لكامل ليتامى ************انو محمد صلى الله عليه وسلم

    تربى يتيم وتنحرم كيما هوما********* وفي زمرة اليتامى يتنحشر معاهم



    م ن ق و ل



      الوقت/التاريخ الآن هو 16/10/2018, 17:49